Blog, Hair loss | Dhananjay Chavan | May 27, 2022
केस गळणे ही अनेकांची समस्या आहे. वाढते वय, मानसिक ताण, हार्मोन्सचे असंतुलन, पोषक तत्वांची कमतरता, हवेतील प्रदूषण, आणि इतर शारीरिक आजार ही केस गळतीची काही मुख्य कारणे आहेत. केस गळणे ही एक सामान्य शारीरिक प्रक्रिया आहे; जूने केस गळतात आणि त्यांच्या जागेवर नवीन केस येतात. परंतू, जेंव्हा केस गळण्याचे प्रमाण जास्त असते किंवा केस गळण्याच्या प्रमाणात नवीन केस येत नाहीत, तेंव्हा ती एक समस्या होऊन बसते. अशा केस गळतीची परिणती बहुतेक वेळा टक्कल (baldness) पडण्यामध्ये होते, ज्याला अँड्रोजेनेटिक अलोपेशिया (androgenetic alopecia) असेही म्हणतात.
जरी इतर वेळी केस गळण्याकडे फारसे लक्षं दिले जात नसले, तरी जेंव्हा त्याचे प्रमाण वाढते, टक्कल दिसू लागते किंवा केस खूपंच पातळ दिसू लागतात, तेंव्हा स्वाभाविकपणे केस गळणे थांबवण्यासाठीचे उपाय शोधले जातात. गळणारे केस सौंदर्यात बाधा आणू लागतात, केस गळणे, पातळ होणे, टक्कल पडणे आशा कारणांमुळे अनेकांचा आत्मविश्वास कमी होतो आणि मग केस गळण्याच्या समस्येवर कोणते घरगुती उपाय (home remedies for hair loss) करता येतील तसेच कुठल्या औषधोपचारांनी (hair loss treatment) केस गळणे थांबवता येईल असे प्रश्न ह्या लोकांना भेडसावत राहतात. ह्या लेखामधे आपण केस गळणे आणि त्यावरील काही रामबाण घरगुती उपाय तसेच इतर उपचार याविषयी माहिती घेणार आहोत.
केस गळणे कमी करण्यासाठी केसांची व्यवस्थित निगा राखणे महत्वाचे ठरते. डोक्याला नियमितपणे तेलाचा मसाज करणे, नियमितपणे केस धुणे आणि केसांवर रासायनिक पदार्थांचा वापर कमी करणे ह्या गोष्टी केसांचे सौंदर्य अबाधित ठेवण्यास पूरक ठरतात. नियमित व्यायाम आणि योग्य आहार ह्यामुळे हार्मोन्सचे संतुलन राहण्यास मदत होते, ज्यामुळे केस आणि त्वचा ह्यांचे आरोग्य उत्तम राहते.
जर टक्कल पाडण्याचे कारण अनुवंशिक असेल, तर घरगुती उपाय किंवा औषधांचा फारसा परिणाम होत नाही. इतर करणांमुळे उद्भवणार्या केसांच्या समस्यांवर मात्र वर दिलेले घरगुती उपाय नक्कीच चांगला परिणाम साधू शकतात. परंतू केसांचे गळणे जर इतर कोणत्या आजाराममुळे होत असेल, खूप जास्त प्रमाणात होत असेल किंवा घरगुती उपाय करूनही आटोक्यात येत नसेल, तर वैद्यकीय सल्ला घेणेच योग्य ठरेल. पुढे पाहूया केस गळणे थांबवण्यासाठीचे काही औषधोपचार
केस गळण्यावरील घरगुती उपाय (hair loss home remedies) तुम्ही स्वमताने केलेत तरी चालतील, पण वैद्यकीय उपचार घेण्यापूर्वी तज्ञाचा सल्ला घेणे आवश्यक आहे. तुमच्या केसांच्या समस्येनुसार, केसांच्या पोताप्रमाणे, तसेच तुमचे वय, आहार-विहार ह्यांचा व इतर काही व्याधी असल्यात त्यांना विचारात घेऊन, एखादा चांगला केस तज्ञ तुम्हाला योग्य मार्गदर्शन करू शकतील. केस गळणे, केस पातळ होणे, टक्कल पडणे अशा समस्यांवर तुम्ही उपाय शोधत असाल, तर तुम्हाला फार शोधाशोध करण्याची गरज नाही कारण, HairMD मधील अनुभवी वैद्यकीय तज्ञ (experienced hair specialists) तुम्हाला योग्य ती उपचार पद्धत सुचवतील, त्याबद्दलची पूर्ण माहिती देतील, आणि तुमची केसांची समस्या दूर करतील.
Blog, Hair loss|Dhananjay Chavan|
May 27, 2022
A skin condition that causes the skin of the scalp to get dry and flaky is called dandruff. In this condition of the scalp, dry skin is shed from the...
Blog, Hair loss|Dhananjay Chavan|
May 27, 2022
Platelet Rich Plasma (PRP) therapy is a 3-step procedure in which blood is drawn from a person's arm and put in a centrifuge after which three layers are formed, namely,... 13560